ಯುಸಿಎಲ್ ಕ್ರಿಕೆಟ್ ಪ್ರೀಮಿಯರ್ ಲೀಗ್: ಬ್ರೈಟ್ ಓಯಸಿಸ್ ಕಾಪು ಚಾಲೆಂಜರ್ಸ್ ತಂಡದ ಜರ್ಸಿ ಅನಾವರಣ

ಕಾಪು: ಯುನೈಟೆಡ್ ಎಂಪವರ್‌ಮೆಂಟ್ ಅಸೋಸಿಯೇಷನ್ (UEA) ವತಿಯಿಂದ ಮಂಗಳೂರಿನ ಉಳ್ಳಾಳದಲ್ಲಿ ಆಯೋಜಿಸಲಿರುವ *ವೈಟ್ ಸ್ಟೋನ್ ಯುಸಿಎಲ್ ಪ್ರೀಮಿಯರ್ ಕ್ರಿಕೆಟ್ ಲೀಗ್*ನಲ್ಲಿ ಭಾಗವಹಿಸಲಿರುವ ಫೇವರೇಟ್ ತಂಡಗಳಲ್ಲೊಂದಾದ ಬ್ರೈಟ್ ಓಯಸಿಸ್ ಕಾಪು ಚಾಲೆಂಜರ್ಸ್ ತಂಡದ ಆಟಗಾರರ ಜರ್ಸಿ ಅನಾವರಣ ಕಾರ್ಯಕ್ರಮವು ಕಾಪುವಿನ ಬಟರ್‌ಫ್ಲೈ ರೆಸಾರ್ಟ್‌ನಲ್ಲಿ ಇಂದು ನಡೆಯಿತು.

ಸ್ಥಳೀಯ ಹಾಗೂ ರಾಜ್ಯ ಮಟ್ಟದ ಹೆಸರಾಂತ ಆಟಗಾರರನ್ನು ಒಳಗೊಂಡಿರುವ ಕಾಪು ಚಾಲೆಂಜರ್ಸ್ ತಂಡವು ಈ ಬಾರಿ ಟೂರ್ನಿಯ ಹಾಟ್ ಫೇವರೇಟ್ ತಂಡವಾಗಿದ್ದು, ಉತ್ತಮ ಪ್ರದರ್ಶನ ನೀಡಲಿದೆ ಎಂಬ ವಿಶ್ವಾಸವನ್ನು UEA ರಾಜ್ಯ ಸದಸ್ಯರು ಹಾಗೂ ಕಾಪು ಚಾಲೆಂಜರ್ಸ್ ತಂಡದ ಸಹ ಮಾಲಕರಾದ **ಶರ್ಪುದ್ದೀನ್ ಶೇಖ್** ವ್ಯಕ್ತಪಡಿಸಿದರು.

ರಾಜ್ಯದ ಪ್ರತಿಷ್ಠಿತ ತಂಡಗಳು ಈ ಕ್ರಿಕೆಟ್ ಲೀಗ್‌ನಲ್ಲಿ ಭಾಗವಹಿಸುತ್ತಿದ್ದು, ಉಸ್ಮಾನ್ ಪಟೇಲ್, ಇರ್ಪಾನ್ ಪಟೇಲ್ ಸೇರಿದಂತೆ ರಾಷ್ಟ್ರಮಟ್ಟದ ಖ್ಯಾತಿಯ ಆಟಗಾರರು ವಿವಿಧ ತಂಡಗಳ ಪರವಾಗಿ ಕಣಕ್ಕಿಳಿಯಲಿದ್ದಾರೆ. ಈ ಮೂಲಕ ಯುಸಿಎಲ್ ಪ್ರೀಮಿಯರ್ ಲೀಗ್‌ಗೆ ಹೆಚ್ಚಿನ ಮೆರುಗು ಮತ್ತು ಕ್ರೀಡಾಸಕ್ತರ ನಿರೀಕ್ಷೆ ಹೆಚ್ಚಾಗಿದೆ ಎಂದು ಅವರು ಹೇಳಿದರು.

ಈ ಸಂಧರ್ಭದಲ್ಲಿ ತಂಡದ ಮಾಲಕರಾದ ಜನಾಬ್ ಹಾಜಿ Ln.Dr.ಶೇಖ್ ವಹೀದ್ ದಾವೂದ್ ಮಾತನಾಡಿ ಕಾಪು ತಂಡಕ್ಕೆ ಎಲ್ಲರೂ ಬೆಂಬಲ ನೀಡಬೇಕು ಎಂದು ಹೇಳಿದರು.

ಈ ಸಂಧರ್ಭದಲ್ಲಿ ತಂಡದ ಮಾಲಕರು,ಸಹ ಮಾಲಕರು.ಮ್ಯಾನೆಜರ್,ಮೆಂಟರ್ ಇನ್ನಿತರ ಪಧಾಧಿಕಾರಿಗಳು ಉಪಸ್ಥಿತರಿದ್ದರು.

ಜರ್ಸಿ ಅನಾವರಣ ಸಮಾರಂಭದಲ್ಲಿ ತಂಡದ ಆಟಗಾರರು, ಆಯೋಜಕರು ಹಾಗೂ ಕ್ರೀಡಾಭಿಮಾನಿಗಳು ಉಪಸ್ಥಿತರಿದ್ದು, ಟೂರ್ನಿಗೆ ಶುಭ ಹಾರೈಸಿದರು.