ರಾಜ್ಯ 19 Jan 2026

₹50 ಲಕ್ಷ ಗೆದ್ದರೂ ಕೈಗೆ ಬಂದದ್ದು ₹34.4 ಲಕ್ಷ – Bigg Boss ಗಿಲ್ಲಿಯ ತೆರಿಗೆ ಲೆಕ್ಕಾಚಾರ

ಬೆಂಗಳೂರು: Bigg Boss Season 12ರ ವಿಜೇತ ಗಿಲ್ಲಿ ₹50 ಲಕ್ಷಗಳ ಭಾರೀ ಪ್ರಶಸ್ತಿ ಹಣವನ್ನು ಗೆದ್ದಿದ್ದಾರೆ. ಆದರೆ ಈ ಮೊತ್ತದ ಮೇಲೆ ಆದಾಯ ತೆರಿಗೆ ಕಾಯ್ದೆಯ ಸೆಕ್ಷನ್ 115BB ಅನ್ವಯವಾಗುವುದರಿಂದ, ಪ್ರಶಸ್ತಿ ಹಣಕ್ಕೆ ಗಣನೀಯ ಪ್ರಮಾಣದ ತೆರಿಗೆ ಕಡಿತವಾಗುತ್ತದೆ.

ಸೆಕ್ಷನ್ 115BB ಪ್ರಕಾರ, ಲಾಟರಿ, ಗೇಮ್ ಶೋ ಹಾಗೂ ರಿಯಾಲಿಟಿ ಶೋಗಳಿಂದ ಲಭಿಸುವ ಪ್ರಶಸ್ತಿ ಹಣಕ್ಕೆ 30% ಫ್ಲಾಟ್ ಆದಾಯ ತೆರಿಗೆ ವಿಧಿಸಲಾಗುತ್ತದೆ. ಇದರ ಜೊತೆಗೆ, ಈ ತೆರಿಗೆಯ ಮೇಲೆ 4% ಆರೋಗ್ಯ ಮತ್ತು ಶಿಕ್ಷಣ ಸೆಸ್ ಕೂಡ ಸೇರಿಸಲಾಗುತ್ತದೆ.

ಅದರಂತೆ, ₹50 ಲಕ್ಷ ಪ್ರಶಸ್ತಿ ಮೊತ್ತದಲ್ಲಿ ₹15 ಲಕ್ಷ ಆದಾಯ ತೆರಿಗೆ ಮತ್ತು ₹60,000 ಸೆಸ್ ಸೇರಿ ಒಟ್ಟು ₹15.6 ಲಕ್ಷ ತೆರಿಗೆ ಕಡಿತವಾಗುತ್ತದೆ. ಈ ತೆರಿಗೆ ಕಡಿತದ ನಂತರ ಗಿಲ್ಲಿಗೆ ಕೈಗೆ ಸಿಗುವ ನಿಕರ ಮೊತ್ತ ಸುಮಾರು ₹34.4 ಲಕ್ಷ ಆಗಿರುತ್ತದೆ.

ಹೀಗಾಗಿ Bigg Boss ವೇದಿಕೆಯಲ್ಲಿ ದೊರೆತ ಭರ್ಜರಿ ಗೆಲುವಿನ ಹಿಂದೆ ಇರುವ ತೆರಿಗೆ ಲೆಕ್ಕಾಚಾರ ಇದೀಗ ಚರ್ಚೆಗೆ ಗ್ರಾಸವಾಗಿದೆ

KannadaExpress